Java e Bibliotekës, aktivitete në Kosovë

Eksplorimi i koleksioneve të Bibliotekës, hulumtimi dhe diskutimi i temave të ndërlidhura me fushën e librit, sesione informative dhe përurimi i këndeve të reja të leximit, kanë shënuar Javën e Bibliotekës në Kosovë. “Nëpërmjet librave dhe programeve tëheqëse si këto, arrihen ëndrrat e të rinjve, nderohet puna e rëndësishme e bibliotekave dhe bibliotekarëve tanë dhe mënyra në të cilën ata u shërbejnë komuniteteve tona pa u lodhur”, u shkrua në faqen online të Ministrisë së Kulturës, Rinisë e Sportit, të Kosovës. Disa nga ngjarjet më të veçanta që shënuan javën që shkoi ishin: Hapja e bibliotekës së veprimtarit Adem Demaçi dhe përurimi i këndit të bibliotekës së të verbërve dhe personave me shikim të dëmtuar; Pesë ekspozitat: “Java n’ 20 vjet në 20-vjetorin e Javës së Bibliotekës në Kosovë”, “Ernest Koliqi në 120-Vjetorin e lindjes”, “Kujtesa e arsimit shqip në Kosovën e viteve 90-të”, “Libra të vjetër të restauruar përzgjedhje librash të restauruar”, “Përmes thjerrëzës së leximit: Një përrallë e dy qyteteve”; Oganizimi i orës letrare: Ora e Ernest Koliqit si edhe Panele diskutimi me pjesëmarrës nga jashtë vendit. atsh