Italia për Shqipërinë, shumë më tepër

Ministrja e Turizmit dhe Mjedisit, Mirela Kumbaro mori pjesë sot në prezantimin e raportit vjetor të Kooperacionit Italian në Shqipëri ku ishte i pranishëm ambasadori i Italisë, Fabrizio Bucci dhe drejtoresha e re e AICS Tirana, Stefania Vizzaccaro. “Italia për Shqipërinë është shumë më tepër se një partner. Është bashkëpunimi i ndërsjelltë që nuk i mbetet vetëm institucioneve, por kulturalisht dhe krejt natyrshëm shkon direkt te njerëzit e punës”, theksoi Kumbaro. “Bashkë do të bëjmë punë të mira, për ta shtrirë modelin e Gjirokastrës dhe Përmetit më tej në Shqipëri”, u shpreh Kumbaro. “Ndihma e vyer në zhvillimin e qëndrueshëm përmes ruajtjes së identitetit e traditës i ka dhënë frytet sidomos e mbi të gjitha në turizëm me raste suksesi të cilat na mbetet vetëm t’i shtojmë”, shtoi ministrja Kumbaro./https://ata.gov.al/2022/07/18/kumbaro-italia-per-shqiperine-shume-me-teper-se-nje-partner/