Investimet që kapin vlerën e afro 15.5 milionë dollarëve do të jetësojnë një transformim të qëndrueshëm duke e kthyer qytetin e Pogradecit në një destinacion turistik shumë më të preferuar për vizitorë vendas e të huaj. Kështu u theksua në takimin e Komitetit të Menaxhimit të Zonave të Mbrojtura Mjedisore për “Peizazhin e Mbrojtur Tokësor ujor të Pogradecit”, të zhvilluar në Drilon Pogradec nga Prefekti i qarkut të Korçës, Nertil Jole. Të ftuar në këtë takim ishin përfaqësues nga Ministria e Turizmit, Agjencia Kombëtare e Zonave të Mbrojtura, Inspektoriati i Mbrojtjes së Territorit, Operatori i Shpërndarjes së Energjisë, bashkia Pogradec, Këshilli i qarkut, Universiteti i Korçës dhe Drejtoria rajonale e Trashëgimisë Kulturore. Prefekti Jole tha se “lajmi i mirë janë ndërhyrjet që aktualisht po zbatohen në zonën e Drilon-Tushemishtit, financim i AADF 5.5 milionë dollarë, që do të rehabilitojë parkun ekzistues dhe do ta zgjerojë atë deri te burimet e Gurasit, ndërtimi i qendrës së vizitorëve, ndërtimi i 3 parkimeve publike, si dhe rikonstruksioni i fasadave të Tushemishtit”. Sipas tij, një tjetër investim është shëtitorja e Tushemishtit, financim i FSHZh 4 milionë dollarë. “Rruga Tushemisht-Doganë, financim i FSZH me vlerë 3 milionë dollarë dhe bajpasi i Tushemishtit si dhe financimi i Bankës Botërore nëpërmjet FSHZH me vlerë rreth 4 milionë dollarë.”, tha Jole. Prefekti Jole kërkoi nga institucionet masa të shpejta për hartimin e planit të ri të menaxhimit të Zonave të Mbrojtura “Peizazhi i Mbrojtur Tokësor, Ujor i Pogradecit’, bazuar në rekomandimet e lëna nga UNESCO dhe raportim mbi problematikat e konstatuara në Zonën e Mbrojtur që lidhen me ndërtimet pa leje në Drilon, me ndotjen e liqenit të Ohrit dhe burimeve të tij ujore, me vend-depozitimin e ri për mbetjet e Dampës të Shllameve, shfrytëzimin pa kriter të burimeve natyrore, veçanërisht të peshkimit dhe lëndës drusore për ngrohje nga baseni i Liqenit. “Edhe treguesit e prezantuar në datë 27 shtator në takimin e zhvilluar me kryeministrin për Ditën Botërore të Turizmit, dëshmojnë për një tendence progresive të turistëve të huaj, fakt i cili e ka rritur kontributin e sektorit të turizmit në ekonominë kombëtare, nga 4% që ka qenë 10 vite më parë, në afro 17.5%”, nënvizoi Prefekti Jole. Prefekti Jole tha se edhe nënshkrimi i marrëveshjes për përdorimin e imazherisë satelitore, jep mundësinë e disponimit në kohë reale midis shumë imazheve në shërbim të institucioneve e agjencive shtetërore, edhe të situatës apo zhvillimeve në zonat e mbrojtura, çka e bën më të lehtë njohjen, menaxhimin dhe reagimin e nevojshëm. Pogradeci është një atraksion i përhershëm turistik ku me hijeshinë e liqenit, natyrën, kulturën, historinë, kulinarinë, tërheq turistë të shumtë vendas e të huaj në çdo stinë të vitit.https://ata.gov.al/2022/09/30/investim-prej-15-5-mln-dollare-ne-pogradec-nderhyrje-dhe-ne-shetitoren-e-tushemishtit/
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER