Informim mbi shërbimet e linjës telefonike për fëmijë

“Save the Children Albania”, në bashkëpunim me bashkinë e Tiranës, ka vendosur në shëtitoren “Murat Toptani” një kabinë informuese, e cila do të shërbejë për të informuar mbi shërbimet që ofrohen përmes linjës telefonike për fëmijë Alo 116 111. Kjo Linjë Këshillimi është lehtësisht e aksesueshme, konfidenciale, pa pagesë 24/7 dhe ofron mundësi për të folur për çdo çështje që ka të bëjë me prindërimin dhe marrëdhëniet me fëmijët por edhe të referojë nevojat e çdokujt tek shërbimet përkatëse bazuar në vlerësimet e këshilluesve të kësaj linje. “Kabina Informuese” do të qëndrojë hapur për një afat kohor 5-ditor për të informuar dhe këshilluar mbi funksionin e Linjës Telefonike dhe sesi të ndërtojmë marrëdhënie të shëndosha dhe të dashura prind-fëmijë përmes prindërimit pozitiv dhe teknikave të disiplinës pozitive. Ky aktivitet zhvillohet në kuadër të projektit “Sisteme të Forcuara, Fëmijë të Mbrojtur” të mbështetur dhe zbatuar nga Save the Children Albania në bashkëpunim me Linjën e Këshillimit për Fëmijë.https://ata.gov.al/2022/12/06/fushate-informimi-mbi-sherbimet-e-linjes-telefonike-per-femije/