Industria nxjerrëse, 200 milionë euro investime të huaja

Investimet e huaja (IHD) kanë shënuar rritje këtë vit në industrinë nxjerrëse. Sipas të dhënave të publikuara nga Banka e Shqipërisë, ky sektor për 3-mujorin e tretë të këtij viti, kryesoi renditjen e IHD-ve me 88 milionë euro, 66% më shumë krahasuar me të njëjtën periudhë një vit më parë. Ndërkohë për 9-mujorin, investimet në sektorin e industrisë nxjerrëse arritën në 202 milionë euro. Krahasuar me një vit më parë, IHD u rritën me bazë vjetore 36%. Industria nxjerrëse renditet e dyta, pas pasurive të paluajtshme, në tërheqjen e investimeve të huaja për 2022-shin. Sipërmarrjet në këtë sektor kanë riinvestuar në aktivitetin e nxjerrjes së naftës bruto. “Rritja e çmimeve të naftës bruto në tregjet ndërkombëtare këtë vit duket se ka nxitur edhe shtimin e investimeve të huaja në nxjerrjen e naftës në Shqipëri”, bën të ditur Banka e Shqipërisë.ATA