”Guns N’ Roses” bënë dje në mbrëmje një performancë debutuese triumfuese në Glastonbury, ndërkohë që Lana Del Rey, që hapi koncertin filloi me vonesë për shkak të ndërprerjes së rrymës elektrike. Këngëtarja amerikane u detyrua të udhëheqë fansat në një performancë të këngës së saj të fundit “Video Games”, pasi mikrofonit iu ndërpre energjia elektrike. Del Rey u kërkoi falje fansave duke i kërkuar që ta ndihmonin të këndonte këngën dhe më pas të zbriste për t’i takuar dhe për t’i përshëndetur. Ajo ishte ngjitur në skenë me 30 minuta vonesë duke i lënë fansat të shqetësuar, që filluan të thërritnin “Duam Lanën!”. Del Rey u përfshi nga një vështirësi e dukshme teknike gjatë performancës së saj, gjë që e detyroi atë të rifillonte këngën e saj “White Mustang” dhe më vonë ajo nuk performoi “Venice Bitch”. Në skenë, ”Guns N’ Roses” kënduan mbi dy orë, përfshirë këngët “Live And Let Die”, “Knocking On Heaven’s Door”, “Sweet Child O’ Mine” dhe “November Rain”. Ndërkohë, Rick Astley, i veshur me një kostum ngjyrë trëndafili të errët, këndoi këngën e tij hit të viteve 1980 “Together Forever”. atsh
- Advertisment -