Gërmime arkeologjike në luginën e poshtme të Drinit

Në luginën e poshtme të Drinit, për më shumë se 1 muaj, misioni shqiptaro-francez drejtuar nga dr. Etleva Nallbani, CNRS PARIS dhe dr. Elvana Metalla, Instituti Arkeologjik, Tiranë kreu hulumtime të rëndësishme arkeologjike. Pas një pune intensive, ka përfunduar pastrimi masiv i vegjetacionit të sitit arkeologjik, realizuar nga bashkëpunimi i Drejtorisë Rajonale të Trashëgimisë Kulturore Shkodër dhe Misionit Shqiptaro-Francez të projektit “Lugina e Drinit”, drejtuar nga arkeologe dr. Nallbani. Këtë vit misioni është shtrirë në dy vendbanime përfaqësuese të mesjetës së hershme: qytetit mesjetar të Sardës, në ishullin e Shurdhahut, dhe vendbanimit të Komanit. Studimi do të sjellë një hap të ri të dhënash mbi kulturën arbërore, urbanizimin, zhvillimin, zhvendosjen e popullsive, riteve dhe stadit të zhvillimit që kishin arritur këto vendbanime. Lugina e poshtme e Drinit mbetet një rajon i rëndësishëm i kërkimit shkencor arkeologjik në Shqipëri.https://ata.gov.al/2022/09/01/germime-arkeologjike-ne-luginen-e-poshtme-te-drinit/