Franca refuzon pranimin e migrantëve nga Lampedusa

Ministri i Brendshëm i Francës, Gerald Darmanin tha se vendi nuk do të pranojë emigrantët që kanë mbërritur në ishullin mesdhetar të Lampedusas. ”Franca nuk do të pranojë migrantë nga Lampedusa”, tha Darmanin për kanalin televiziv francez TF1. ”Franca dëshiron një pozicion shtrëngimi”, tha ai. ”Ka pasur migrim të parregullt në Francë dhe Itali, si dhe në të gjithë Evropën, i cili duhet luftuar”, tha Darmanin. Sipas Darmanin, Franca ka ofruar të ndihmojë Italinë për riatdhesimin e migrantëve në vendet me të cilat Parisi ka marrëdhënie të mira diplomatike. Ministri tha se rreth 60% e atyre që mbërritën në Lampeduza ishin frëngjishtfolës. Ishulli i vogël italian midis Siçilisë dhe Afrikës së Veriut ka parë mijëra emigrantë që mbërrijnë me varka për ditë të tëra. Qendra e pritjes së ishullit është mbingarkuar.