Eliminohet Nadal

Tenisi spanjoll paraqitet me dy fytyra në raundin e 16-të të US Open. Eliminohet Rafael Nadal, kualifikohet Carlos Alcaraz. Në një mbrëmje që duket se shënon kalimin mes të shkuarës dhe së ardhmes së tenisit spanjoll, elimihohet Rafael Nadal, ndërsa kualifikohet në çerekfinale Carlos Alcaraz. Eliminim sensacional dhe befasues për Nadalin në Nju Jork. Mëngjarashi, jo në gjendjen e tij më të mirë fizike, dorëzohet përpara goditjeve të Tiafoe të frymëzuar nga duartrokitjet e publikut të shtëpisë së vet. Tenisti amerikan ka fituar 3-1, me sete 6-4, 4-6, 6-4, 6-3. Tiafoe, numri 26 në botë, për herë të parë në karrierë kalon në çerekfinalen e US Open dhe përballë do të ketë rusin Rublev. Nga ana tjetër, Alcaraz buzëqesh, duke treguar freski më të madhe fizike kundër veteranit Cilic. 19-vjeçari numri 4 në botë luftoi për katër orë përpara se të fitonte 3-2, ndaj kroatit, me sete 6-4, 3-6, 6-4, 4-6, 6-3. Në çerekfinale do të jetë supersifda mes dy tenistëve të të ardhmes, Alcaraz-Sinner. Tenisti italian ka qenë i pakalueshëm deri tani në US Open. Në ndeshjen e 1/16-tës kundër Ivashkës, pas katër orë ndeshje dhe pesë sete, ai mundi bjellorusin 3-2, me sete 6-1, 5-7, 6-2, 4-6, 6-3. Më solid në shërbim dhe më i aftë fizikisht se kundërshtari i tij, Sinner numri 11 në renditjen botërore arrin kështu për herë të parë në karrierë, në çerekfinale të Us Open.https://sport.rtsh.al/artikull/us-open-eliminohet-nadal