Dobi : Nuk mungojnë kualitetet

Kukësi ka prezantuar mëngjesin e sotëm trajnerin e ri, Enkeleid Dobin I cili do të zërë vendin e Skënder Gegës të larguar. Tekniku 47-vjeçar foli në konferencë për shtyp, duke shpalosur dhe objektivat. “Dua të falenderoj presidentin dhe drejtuesit e klubit që më dha këtë detyrë në një projekt ambicioz. Do mundohem të jap maksimumin për këtë rol e të jem në nivelin e duhur. Unë dua të luftoj për diçka do bëj gjithçka të arrij nivelin e duhur. Për mua mund të jetë dhe një trampolinë. Është një provë për mua. Kualiteti nuk mungon na duhet pak kohë të bëjmë grupin. Çdo problem ka zgjidhje edhe pse jemi 7 pikë pas”. “Në start nuk jemi mirë, por do bëjmë çështë e mundur ta kapim ritmin dhe të tjerët. Ndonjëherë duhet të jesh në kohën e duhur në vendin e duhur. Nuk kam ardhur vetëm për mbijetesën, sepse nuk do të vija të ishte për aq pak. E kam parë Kukësin live në 4 javët e para. Per sa pranova e kam nje rivalitet dhe me veten time”, u shpreh Dobi.https://sport.rtsh.al/artikull/dobi-flet-si-trajner-i-kukesit-nuk-mungojne-kualitetet