Izraeli do të blejë avionë për furnizimin me karburant në ajër, nga Shtetet e Bashkuara të Amerikës që mund të përdoren në një sulm të mundshëm në qendrat bërthamore të Iranit, raportoi sot “Jerusalem Post”. “Forcat Ajrore të Izraelit (IAF) kanë nënshkruar një marrëveshje për blerjen e katër avionëve “Boeing KC-46 Pegasus” me vlerë 927.4 milionë dollarë”, tha gazeta. “Katër avionët e rinj që pritet të mbërrijnë në vitin 2025 do të zëvendësojnë flotën e vjetër të IAF të “Boeing 707”, avionë që kanë fluturuar në forma të ndryshme për më shumë se gjysmë shekulli”, tha ai. Ministri izraelit i Mbrojtjes, Benny Gantz e përshkroi marrëveshjen me rëndësi të madhe. “Avionë që po blihen, së bashku me prokurimin e një skuadroni F-35, helikopterëve, nëndetëseve dhe municioneve të avancuara do t’i mundësojnë Forcës së Mbrojtjes izraelite të përballet me sfidat e saj të sigurisë”, tha Gantz për “Jerusalem Post”. “Kjo është një tjetër dëshmi e aleancës së fuqishme dhe lidhjeve strategjike midis institucioneve të mbrojtjes dhe qeverive të Izraelit dhe SHBA-se,” shtoi ai.
- Advertisment -