Blinken: NATO është më e fortë dhe më e bashkuar se kurrë

NATO është më e fortë dhe më e bashkuar se çdo moment që mund të kujtojë në gati 30 vjet, pjesërisht falë lidershipit të jashtëzakonshëm të sekretarit të përgjithshëm Stoltenberg, deklaroi sekretari amerikan i Shtetit, Antony Blinken para takimit dypalësh me sekretarin Stoltenberg. ”Ne do të riafirmojmë mbështetjen tonë për Ukrainën dhe punën që po bëjmë për të forcuar aleancën tonë”, shtoi ai. ”Së shpejti do të kemi dy anëtarë të rinj të aleancës, pasi Suedia dhe Finlanda që janë me ne për këtë takim sot, kjo është gjithashtu e rëndësishme”, shtoi Blinken. “Parimi bazë që ne i sjellim agresionit rus ndaj Ukrainës dhe sfidave të tjera si ato që na paraqet Kina, është se ne i përballojmë ata së bashku dhe të bashkuar, kjo është forca më e madhe e NATO-s”, shtoi Blinken./https://ata.gov.al/2022/11/30/bukuresht-blinken-nato-eshte-me-e-forte-dhe-me-e-bashkuar-se-kurre/