Më shumë shkurtime të vendeve të punës në BBC, transmetuesi historik britanik dhe modeli i shërbimit publik në Perëndim, drejtuesit e të cilit njoftuan largimin e 100 pozicioneve të tjera gazetareske dhe anulimin e një programi historik si HARDtalk, një format që ka vendosur standarde dhe që ishte i bazuar në një intervistë të thellë me një personazh të vetëm publik.
Shkurtimet e reja i shtohen atyre të viteve dhe muajve të kaluar të mijëra punonjësve, nga mbi 40 000 të punësuar, përfshirë teknikë, reporterë dhe administratorë.
Po ashtu edhe përgjysmimi i programeve si Newsnight, flamuri i analizës së thelluar të mbrëmjes, i reduktuar në orarin e tij në 30 minuta kohëzgjatje.
Një prirje e denoncuar si “serioze” nga Philippa Childes, drejtuese e sindikatës BECTU, e cila njeh nevojën aktuale të BBC-së “për të kursyer” në kosto, por ankohet për ndikimin e shkurtimeve në ato shërbime që kontribuojnë në imazhin kombëtar dhe global të BBC-së.
Ekipi menaxhues vazhdon të ankohet për reduktimin e përgjithshëm të burimeve.
Burime që ekzekutivi i ri laburist i Keir Starmer, edhe pse më pak kritik për rolin e BBC-së në krahasim me konservatorët, duket se nuk ka synimin ose është në gjendje t’i rrisë për momentin, pavarësisht paralajmërimit nga kompania.
Sipas drejtorit të përgjithshëm, Tim Davie, tkurrja e fondeve publike të destinuara veçanërisht për Shërbimin Botëror rrezikon të promovojë “ndikimin e Kinës dhe Rusisë” në informacionin ndërkombëtar
