“Ballkani” i Kosovës rrëzon Shkupin

Ëndrra është bërë realitet për futbollin e Kosovës, Kampioni i Kosovës “Ballkani” do të jetë pjesë e fazës së grupeve të Ligës së Konferencës duke shkruar kështu historinë në futbollin kosovar. Skuadra nga Suhareka e ka mposhtur atë të Shkupit me rezultat minimal 1-0 të enjten në stadiumin “Fadil Vokrri” në Prishtinë duke bërë kështu që Shkupi të eliminohet me rezultat të përgjithshëm 3-1 pas 180 minutave lojë, raporton KosovaPress. Golin e vetëm të ndeshjes e realizoi Meriton Korenica në minutën e 70’ të ndeshjes. Për Ballkanin nuk mungoi as mbështetja e rreth 10 mijë tifozëve në tribunat e stadiumit. Kjo është një arritje e jashtëzakonshme për Ballkanin e trajnerit Ilir Daja, por edhe për të gjithë futbollin e Kosovës.https://ata.gov.al/2022/08/25/ballkani-i-kosoves-rrezon-shkupin-kualifikohet-ne-grupet-e-liges-se-konferences/