Baerbock: Të ndryshojmë qasjen e Gjermanisë ndaj Kinës

Ministrja e Jashtme gjermane Annalena Baerbock bëri thirrje për ndryshimin e politikës gjermane ndaj Kinës, pak para udhëtimit të parë të kancelarit, Olaf Scholz në Pekin. “Sistemi politik kinez ka ndryshuar jashtëzakonisht vitet e fundit dhe për këtë arsye politika jonë drejt Kinës gjithashtu duhet të ndryshojë”, theksoi Baerbock gjatë një vizite në Republikën e Azisë Qendrore të Uzbekistanit. Scholz pritet në Pekin të premten për vizitën e tij të parë në ekonominë e dytë më të madhe në botë. Pas një takimi me ministrin e Jashtëm të Uzbekistanit, Vladimir Norov në kryeqytetin Tashkent, Baerbock tha se priste që Scholz t’i komunikonte pozicionin e politikës së jashtme të Berlinit me shtetin kinez dhe liderin e partisë, Xi Jinping. ”Pekinit duhet t’i bëhet e qartë se çështja e konkurrencës së ndershme, çështja e të drejtave të njeriut dhe çështja e njohjes së ligjit ndërkombëtar janë themeli ynë i bashkëpunimit ndërkombëtar”, tha Baerbock.http://ata.gov.al/2022/11/01/fokus-baerbock-te-ndryshojme-qasjen-e-gjermanise-ndaj-kines/