Punëtorët e Ndërmarrjes së Shërbimeve Publike të Bashkisë Himarë mblodhën mbetje të hedhura në anë të rrugës, pastruan bimësinë e egër në trotuare, prenë degët e pemëve që bëhen pengesë për këmbësorët dhe automjetet, si dhe larguan inertet e mbledhura në zona të ndryshme gjatë vërshimit të ujërave.
Bashkia e Himarës është në çdo kohë dhe në çdo zonë, në shërbim të qytetarëve dhe turizmit. Himara pret mijëra vizitorë gjatë sezonit turistik, të cilët vlerësojnë bukurinë e natyrës, plazhet e pastra, por edhe historinë e këtij qyteti, thesar i trashëgimisë kulturore.
