Abakarov shpallet kampion bote

Zelimkhan Abakarov i ka dhuruar Shqipërisë medaljen e parë të artë në sportin e mundjes në një kampionat botëror. Ai u shpall kampion bote duke munduar amerikanin Thomas Patrick Gilman në ndeshjen e zhvilluar në kampionatin botëror të mundjes që po zhvillohet në Beograd. Lajmin e ka bërë të ditur përmes një postimi në rrjetet sociale Komitetit Olimpik Kombëtar Shqiptar (KOKSH) ky e cilëson këtë fitore të jashtëzakonshme, sepse për herë të parë në mundje, një sportist shpallet kampion bote për Shqipërinë. “Në majë të botës dhe medalje ari për mundjen shqiptare Zelihmkan Abakarov fiton në finalen e madhe, duke munduar amerikanin Thomas Patrick Gilman dhe valëvitur flamurin kuqezi në mes të Beogradit. Mundësi shqiptar dominon në çdo sekondë të ndeshjes, duke e merituar plotësisht medaljen e artë e duke u shpallur kampion Bote në peshën 57 kg. E jashtëzakonshme, sepse për herë të parë në mundje, një sportist shpallet kampion bote për Shqipërinë”, shkroi KOKSH.https://ata.gov.al/2022/09/17/medalje-ari-per-mundjen-shqiptare-abakarov-shpallet-kampion-bote/