Ministrat e vendeve anëtare të Bashkimit Evropian dhanë sot miratimin e tyre përfundimtar për një ligj shumë të debatuar që kërkon që kompanitë të mbrojnë të drejtat e njeriut në zinxhirët e tyre të furnizimit. Direktiva mbi Qëndrueshmërinë e Korporatave “Due Diligence” – e njohur gjithashtu si Akti Evropian i Zinxhirit të Furnizimit – synon të bëjë përgjegjës kompanitë e mëdha nëse përfitojnë nga puna e fëmijëve ose puna e detyruar jashtë BE-së. Asnjë shtet anëtar nuk votoi kundër ligjit, por 10 abstenuan, përfshirë Gjermaninë. Ligji ishte kryesisht i diskutueshëm brenda qeverisë së koalicionit të Gjermanisë, ku Partia Demokratike e Lirë (FDP) shprehu shqetësimin se do të mbingarkonte bizneset. Një marrëveshje fillestare me Parlamentin Evropian, e ndërmjetësuar vitin e kaluar nga Spanja, nuk arriti të marrë mbështetjen e mjaftueshme nga vendet anëtare. Marrëveshja e re e miratuar dje, e negociuar nga Belgjika, rrit nivelin e kritereve në të cilin kompanitë do të duhet të përmbushin në kuader të rregullave të reja
