“Apple” ka bërë një përditësim të pjesshëm të softuerit në iPhone, i cili ndalon sugjerimin e emoji-t të flamurit palestinez kur përdoruesit shkruajnë fjalën “Jerusalem”, sipas BBC.
Çështja ngjalli polemika, pasi kritikët vunë re se kur shtypeshin emrat e qyteteve të tjera nuk shfaqeshin emoji të flamurëve.
Më herët “Apple” tha se shfaqja e flamurit kur ishte shtypur Jerusalemi kishte qenë e paqëllimshme.
Sipas “Apple”, çështja lidhej me sjelljen e paqëllimshme të një veçorie të quajtur emoji parashikuese.
iPhone mund të sugjerojë emoji kur shtypen fjalët në mesazhe dhe aplikacione të tjera.
Përdoruesit vunë re se flamuri filloi të sugjerohej pasi kompania nxori iOS 17.4.1 – versioni më i fundit i disponueshëm i softuerit në të cilin funksionojnë pajisjet e saj celulare.
Kritikët si prezantuesja televizive Rachel Riley i kërkuan “Apple” të shpjegonte pse shfaqej flamuri, veçanërisht kur nuk shfaqen flamujt e e vendeve të tjera kur shtypen.
“Të tregosh standarde të dyfishta në lidhje me Izraelin është një formë antisemitizmi”, shkroi ajo në rrjetet sociale.
Rezolucioni i dukshëm i “Apple” është aktualisht vetëm në versionin “developer beta” të iOS 17.5 të përditësuar të martën.
