Një tjetër rrugë me ndriçim Led do t’i shtohet qytetit të Shkodrës. Kryetari i bashkisë së Shkodrës, Benet Beci bëri të ditur sot se “po punohet në bulevardin “Zogu I”, nga Parruca në drejtim të lagjes Xhabije, ku brenda pak ditësh do të përfundojë edhe vendosja e ndriçuesve me kursim energjie dhe miqësor ndaj mjedisit”. Bashkia e Shkodrës po vijon punën për ndriçimin e rrugëve me teknologjinë LED, ndërkohë që është një nga 4 bashkitë pilot përfituese të projektit “Bashki me shfrytëzim inteligjent energjie”, financuar nga qeveria zvicerane nëpërmjet SECO, qeveria shqiptare (Ministria e Infrastrukturës dhe Energjisë) dhe Bashkia Shkodër. Rreth 50 milionë lekë të rinj është fondi që përfiton Shkodra nga ky projekt, i cili përfshin ndriçimin me teknologjinë LED të 11 rrugëve kryesore të qytetit.
