BE e gatshme për marrëdhënie konstruktive me Turqinë

Bashkimi Evropian është i gatshëm të angazhohet me Turqinë për të ecur drejt një marrëdhënieje konstruktive për prosperitet dhe stabilitet të përbashkët, tha një zëdhënës i Komisionit Evropian, duke iu përgjigjur pyetjeve të gazetarëve mbi kritikat e bëra dje nga presidenti turk Recepep Tajyyp Erdogan ndaj politikës së jashtme të BE-së, veçanërisht për procesin e anëtarësimit. “Kjo marrëveshje do të bazohet në përkushtimin ndaj të drejtave të njeriut, ligjit të së drejtës, ligjit ndërkombëtar dhe stabilitetit rajonal, për të mirën e të gjithë qytetarëve tanë”, shtoi ai. “Është e rëndësishme të kujtojmë se BE-ja ka një interes strategjik për të vazhduar një marrëdhënie bashkëpunuese dhe reciprokisht të dobishme me Turqinë, si dhe krijimin e një mjedisi të sigurt në Mesdheun Lindor”, theksoi zëdhënësi. “Procesi i anëtarësimit në BE për Ankaranë është ngrirë që nga viti 2019, në përputhje me vendimin e Këshillit Evropian’, tha ai. “BE po punon për paketën e saj të zgjerimit, duke përfshirë raportin vjetor për Turqinë, i cili pritet të publikohet në vjeshtë”, tha zëdhënësi.