Një studim i publikuar në vitin 2025 në revistën shkencore “JAMA”, i kryer me 4 285 të rinj amerikanë, evidentoi se përdorimi i lartë ose në rritje i rrjeteve sociale, i shoqëruar me karakteristika të ngjashme me varësinë, lidhej me një rrezik më shumë se dyfish më të lartë për sjellje vetëvrasëse, krahasuar me përdorimin e ulët, shkruan salute.it.
Studimi nuk provon se rrjetet sociale janë shkaku i drejtpërdrejtë i këtyre sjelljeve, por nënvizon rëndësinë e identifikimit të shenjave konkrete, si pamundësia për të ndërprerë përdorimin, sjelljet kompulsive dhe shqetësimi kur nuk është e mundur qasja në platforma.
Ndërkohë, koha totale e kaluar para ekraneve, e matur në fillim të studimit, nuk shfaqi të njëjtën lidhje me rrezikun e sjelljeve vetëvrasëse.
Shoqata Amerikane e Psikologjisë ka tërhequr gjithashtu vëmendjen ndaj rreziqeve që lidhen me lëvizjen e pafundme në përmbajtjet digjitale dhe njoftimet e vazhdueshme, veçanërisht për të rinjtë që janë ende duke zhvilluar aftësinë për të kontrolluar impulset.
