Kremlini: Dronë ukrainas u rrëzuan në jug të Moskës

Rusia ka zmbrapsur sërish një sulm ukrainas me dronë në territorin e saj, tha Ministria ruse e Mbrojtjes në Moskë në Telegram. “Mbrojtja ajrore ruse shkatërroi dy mjete ajrore pa pilot mbi rajonin Tula, rreth 150 kilometra në jug të Moskës”, tha ministria. Informacioni nuk mund të verifikohet në mënyrë të pavarur. Moska ka raportuar sulme të ngjashme me dronë shumë herë gjatë javëve të fundit, duke fajësuar Kievin. Ukraina ka luftuar pushtimin rus për 18 muaj me ndihmën e Perëndimit. Moska ka përdorur drone “Shahed” të prodhuar nga Irani për të bombarduar vendin fqinj prej shumë muajsh.