Ligjet e çuditshme të Koresë së Veriut

Sa më shumë histori që ndahen nga të larguarit nga vendi, aq më i çuditshëm bëhet reputacioni i vendit. Korea e Veriut karakterizohet nga një regjim autoritar ekstremist dhe rregullat e tij janë krejt të ndryshme nga të tjerët në mbarë botën. Për shembull, dëgjimi i muzikës së huaj ose kryerja e telefonatave ndërkombëtare mund të dënohet me vdekje. Për shkak të kufizimeve financiare dhe kërkesës për një leje të veçantë, shumë pak qytetarë në Korenë e Veriut zotërojnë dhe drejtojnë makina. Shumica e njerëzve mbështeten në transportin publik dhe biçikletat. Koreja e Veriut mban zgjedhjet për të zgjedhur liderët e partive që do të qeverisin vendin. Megjithatë, zakonisht ka vetëm një kandidat, kështu që ata thjesht marrin një fletë votimi me emrin e Kim Jong-un dhe e hedhin në kuti. Kur koreano-veriorët përmendin emrin e liderit të tyre, ata gjithmonë duhet ta shoqërojnë me një mbiemër që e lartëson atë, si ‘i dashur Kim’ ose ‘Kim suprem’. Përdorimi i disa llojeve të veshjeve është gjithashtu i kufizuar në Korenë e Veriut. Xhinset e ngushta, për shembull, konsiderohen si simbol i kapitalizmit dhe për këtë arsye njerëzit nuk lejohen t’i veshin ato. Mbikëqyrja e turistëve merret shumë seriozisht. Njerëzit që vizitojnë vendin shoqërohen nga udhërrëfyes dhe zyrtarë dhe duhet t’u përmbahen rregullave specifike të sjelljes. Çdo udhëzim i dhënë nga rojet duhet të ndiqet me rigorozitet. Zgjedhja e karrierës gjithashtu nuk varet nga qytetarët individualë. Është qeveria që zgjedh profesionet e njerëzve dhe kjo nuk varet nga nevojat e njeriut, por nga nevojat e vendit. Të larguarit thonë se punët më të mira u jepen fëmijëve të të pasurve dhe të fuqishmëve. Kur Kim Jung-un mori detyrën në vitin 2013, ai prezantoi një listë të prerjeve të flokëve që do të lejoheshin në vend. Koreanët e Veriut punojnë gjashtë ditë në javë dhe një person mesatar punon pothuajse shtatë orë jashtë orarit çdo javë, që do të thotë se ata marrin shumë pak pushim. RTSH