Vuçiç: Kurtit nuk i intereson çfarë mendon SHBA për të

Kurtit nuk i intereson çfarë mendon SHBA-ja për të, deklaroi presidenti serb, Aleksandar Vuçiç, në një intervistë ekskluzive për Ksenija Pavloviç të https://thepavlovictoday.com/. Presidenti serb ka pak besim se politika e kryeministrit të Kosovës Albin Kurti do të ndryshojë. Vetëm pak muaj më parë, në mars 2023, u krijua momenti për një përparim të rëndësishëm gjatë diskutimeve të nivelit të lartë midis presidentit Vuçiç dhe kryeministrit Kurti në Ohër, të udhëhequr nga BE-ja. “Ne kemi një marrëveshje”, tha Josep Borrell. Sekretari Blinken i bëri jehonë lajmit të ditës. Të gjithë prisnin që Asociacioni i komunave me shumicë serbe, një dispozitë e paplotësuar në Marrëveshjen e Brukselit të vitit 2013, të zbatohej përfundimisht në veri të Kosovës. Në vend të kësaj, ngjarjet devijuan papritur. Kundër këshillës së SHBA, vetëm dy muaj pas Ohrit, kryeministri i Kosovës Albin Kurti dërgoi një forcë policore në veri, ku është e përqendruar shumica e popullsisë serbe. Administrata Biden ishte e pakënaqur dhe i bëri kërkesa kryeministrit Kurti që të tërheqë policinë nga ndërtesat komunale. Kryediplomati i Blinken për Ballkanin Perëndimor, Gabriel Escobar, kohët e fundit paralajmëroi se tensionet në veri të Kosovës mund të shndërrohen në një konflikt shumë më konsekuent – një perspektivë që si Bashkimi Evropian ashtu edhe SHBA dëshirojnë ta shmangin. Presidenti serb ka kërkuar një takim me sekretarin e përgjithshëm të NATO-s Jens Stoltenberg. ”Kam kërkuar takimin për të sjellë në vëmendjen e tij mbijetesën gati të pamundur të serbëve në Kosovë”, deklaroi Vuçiç. I pyetur nëse kishte mundësi të bisedonte me sekretarin Blinken dhe presidentin Biden për situatën në terren dhe sfidat me të cilat përballet popullata serbe në veri të Kosovës, presidenti Vuçiç iu referua bisedave të tij të vazhdueshme me anëtarët e administratës Biden. ”Kohët e fundit kam pasur një bisedë telefonike me Blinken. Unë kam folur me shumë zyrtarë në establishmentin amerikan që mbikëqyrin Kosovën dhe janë përgjegjës për stabilitetin e rajonit, duke përfshirë Jon Finer, Chollet dhe Escobar”, tha Vuçiç.atsh