Bie deficiti tregtar në eurozonë për shkak të rritjes së eksporteve

Deficiti tregtar në eurozonë regjistroi një rënie të ndjeshme në maj duke reflektuar një rritje të dukshme të eksporteve mes rënies së importeve, sipas Eurostat. Deficiti tregtar ra në 0,9 miliardë euro (1 miliardë dollarë) të rregulluar sezonalisht në maj, nga 8 miliardë euro në prill. Eksportet shënuan një rritje mujore prej 2,9%, ndërsa importet u ulën me 0.1% në muajin maj. Në bazë vjetore, eksportet e produkteve shënuan një rënie prej 2,3%. Në të njëjtën kohë, importet shënuan një rënie më të theksuar prej 12,8%. Si rrjedhojë, deficiti tregtar ra në 0,3 miliardë euro nga 30,3 miliardë euro një vit më parë. Gjatë periudhës janar-maj, eksportet jashtë BE-së u rritën me 4,5% krahasuar me vitin e kaluar, ndërsa importet ranë me 7,8%. Si rezultat, bilanci tregtar rezultoi në një mungesë prej 28,5 miliardë euro krahasuar me një deficit prej 166,4 miliardë euro në të njëjtën periudhë të vitit të kaluar. atsh