BSH: Investimet e huaja direkte 388 milionë euro

Investimet e huaja direkte vlerësohen në 388 milionë euro, ose rreth 28 % më të larta në terma vjetorë. Referuar të dhënave të publikuara nga Banka e Shqipërisë në raportin “Bilanci i pagesave”, injektimi me kapital të ri shënoi vlerën 184 milionë euro, rreth të njëjtit nivel si një vit më parë. Ndërkohë që, kategoria fitimi i riinvestuar u zgjerua me 69 % në terma vjetorë dhe shënoi vlerën 199 milionë euro. Gjatë tremujorit të katërt 2022, flukset valutore hyrëse në formën e investimeve të huaja direkte ishin të përqendruara kryesisht në sektorin e hidrokarbureve (në masën 17 %), ndërmjetësimit financiar (në masën 17 %), e energjetikës (në masën 11 %), si dhe komunikacionit (në masën 11 %). Në të njëjtën kohë, zotërimet tona jashtë – mjetet financiare në formën e investimeve direkte jashtë u zgjeruan ndjeshëm me 40 milionë euro, ose 28 milionë euro më shumë referuar të njëjtës periudhë një vit më parë. atsh