Zëvendëskryeministrja Belinda Balluku, njëherësh dhe ministre për Infrastrukturën dhe Energjinë gjatë vizitës që po zhvillon në Izrael zhvilloi një sërë takimesh të rëndësishme me ministrat izraelitë të sektorëve të ndryshëm. Në një videomesazh nga Izraeli, Balluku tha se në takimin me ministrin e Jashtëm Eli Cohen u diskutua për një sërë çështjesh të rëndësishme për të dy vendet. “Diskutuam për marrëveshje ndërqeveritare që planifikojmë t’i nënshkruajmë në të ardhmen ku përfshihet i gjithë bashkëpunimi mes dy vendeve. Gjithashtu diskutuam për mbështetjen që Izraeli do t’i japë Shqipërisë për sigurinë kibernetike, ndërsa vend të rëndësishëm zuri edhe bashkëpunimi në fushën e tregtisë”, u shpreh Balluku. “Shqipëria dhe Izraeli i kanë të gjitha mundësisë për të zgjeruar shkëmbimet tregtare mes tyre”, tha Balluku. Balluku vuri në dukje se me rëndësi ishte edhe diskutimi mes Shqipërisë dhe Izraelit për të pasur një linjë direkte fluturimi e cila do të ndihmojë në zhvillimin e turizmit. ATSH
- Advertisment -