Kitaristi legjendar i rock-ut Jeff Beck, i cili së fundmi regjistroi një album me Johnny Depp, ka vdekur në moshën 78-vjeçare nga një formë vdekjeprurëse e meningjitit bakterial. ”Në emër të familjes, me pikëllim të madh njoftojmë ndarjen nga jeta të Jeffit”, njoftoi faqja e muzikantit britanik në Twitter. Beck u bë i famshëm me ”Yardbirds” (ku kishte zëvendësuar Eric Clapton) dhe më pas në grupin me emrin e tij. Me tonin, praninë fizike dhe volumin e tij, Beck kishte ripërcaktuar muzikën e kitarës në vitet 1960 dhe kishte ndikuar në lëvizje të tilla si metali i rëndë, jazz rock dhe punk. ATA
