Ministrja e Financave dhe Ekonomisë, Delina Ibrahimaj shprehu gatishmërinë e institucioneve në mbështetje të shtresave më në nevojë duke iu mundësuar shpërblimet e Pakos së Madhe për të gjitha kategoritë që mbulohen nga Instituti i Sigurimeve Shoqërore. “Kemi të garantuar të gjithë likuiditetin e nevojshëm për të realizuar në kohë pagesat e nevojshme”, tha Ibrahimaj. Ministrja bëri të ditur se, nga Pakoja e Madhe janë paguar deri në datën 6 janar, 107.081 shpërblime për pensionistët. “E drejta për ta përfituar nuk i humbet askujt. Të gjithë ata individë që nuk do të kenë mundësi ta tërheqin për momentin, mund ta bëjnë brenda 36 muajve në vijim”, theksoi Ibrahimaj. Pakoja e Madhe shkon në mbështetje të 1 milion individëve, me një kosto në buxhet prej 8 miliardë lekësh. 695 mijë pensionistë do të marrin nga 8000 lekë secili në kuadër të Pakos së Madhe të mbështetjes për të zbutur impaktin e inflacionit të luftës. ATA
- Advertisment -