Voskopojë, investim përmes programeve të AZHBR

“Vila Strugu” në Voskopojë është një prej investimeve private agroturistike që ka përfituar një pjesë të financimit grant nga thirrja e dytë e programeve të mbështetjes AZHBR/IPARD. Kryeministri Edi Rama, publikoi në rrjete sociale foto nga ky investim, i cili ka hapur dyert për vizitorët. Rama tha se “edhe “Vila Strugu” është një tjetër investim i programeve të mbështetjes së qeverisë përmes AZHBR/IPARD- II, e cila ka hapur dyert për vizitorët vendas në Voskopojën e shndërruar në një nga destinacionet më tërheqëse turistike”. Agroturizmi po merr gjithnjë e më shumë zhvillim në zona të ndryshme turistike të vendit përmes bujtinave të ngritura. Transformimi i zonave rurale në peizazhe atraktive, ka nxitur krijimin e agroturizmit, si një model i ri i zhvillimit rural në Shqipëri. Programi i qeverisë për bujqësinë ka në fokus të zhvillojë fshatin dhe turizmin rural nëpërmjet mekanizmave mbështetës, për rritjen e aktiviteteve agroturistike dhe bujtinave, që janë bërë atraksione me interes të veçantë për vizitorët dhe turistët e shumtë që i frekuentojnë ato në çdo stinë të vitit.http://ata.gov.al/2022/10/04/vila-strugu-ne-voskopoje-investim-permes-programeve-te-azhbr-se/