Inflacioni i çmimeve të prodhimit në eurozonë në nivel të ri rekord

Inflacioni i çmimeve të prodhimit në eurozonë u përshpejtua më shumë se sa pritej, duke arritur një nivel të ri historik në gusht, mes rritjes së çmimeve të energjisë, treguan të dhënat e publikuara nga Eurostat. Çmimet e prodhimit u rritën me 43,3% në terma vjetorë në gusht, më shpejt se rritja e rishikuar prej 38,0% në korrik. Kjo ishte pak mbi rritjen prej 43,1% të parashikuar nga ekonomistët. Një rritje prej 116,8% në çmimet e energjisë ishte kryesisht përgjegjëse për përshpejtimin e inflacionit në gusht. Pa përfshirë energjinë, inflacioni i çmimeve të prodhimit u ul lehtësisht në 14,5%, nga 15,1%. Rritje prej 7,8% dhe 9,8% respektivisht ka pasur në çmimet e prodhimit të mallrave kapitale dhe mallrave të konsumit afatgjatë. Në baza mujore, çmimet e prodhimit u rritën me 5,0% në gusht, pas rritjes me 4,0% në muajin e kaluar. Rritja e pritshme ishte 4,9%. Çmimet e prodhimit në BE u rritën me 43,0% në vit dhe 4,9% në gusht.http://ata.gov.al/2022/10/04/fokus-inflacioni-i-cmimeve-te-prodhimit-ne-eurozone-ne-nivel-te-ri-rekord/