Muzeu “Gjergj Kastrioti Skënderbeu”

Muzeu “Gjergj Kastrioti Skënderbeu” në Krujë ka tërhequr një numër të lartë vizitorësh vendas e të huaj gjatë këtij viti. Sipas të dhënave të këtij muzeu, mbi 55,000 vizitorë kanë vizituar në 9-mujorin e parë muzeun “Gjergj Kastrioti Skënderbeu, të cilët u njohën me historinë dhe traditat shqiptare. “Vetëm gjatë muajit shtator rreth 13,500 turistë, kryesisht të huaj, kanë vizituar këtë muze”, theksoi muzeu. Mbi 50 % e turistëve të huaj nga vende të ndryshme të botës Muzeu Kombëtar “Gjergj Kastrioti Skënderbeu” u përurua më 1 nëntor 1982 në kështjellën e Krujës. Ky muze ka edhe karakterin e një memoriali që trajtohet si kullë shqiptare e Veriut. Kompleksi i muzeut është shpërndarë në disa hapësira, të cilat vizitohen kronologjikisht sipas ngjarjeve. Në këtë muze ndodhen objekte që i përkasin periudhave të ndryshme historike, por në disa pavijone trajtohet historia e Mesjetës së Hershme, principatat shqiptare, pushtimi osman dhe betejat e shqiptarëve për të përballuar këtë pushtim.https://ata.gov.al/2022/10/01/muzeu-gjergj-kastrioti-skenderbeu-ne-kruje-terhoqi-mbi-55-000-vizitore/