Autoriteti Kombëtar i Ushqimit bëri të ditur se ka kryer në shkallë vendi 370 inspektime në subjekte të ndryshme tregtare gjatë në 24 orët e fundit. Sipas AKU-së, 239 inspektime janë kryer në pikat e kalimit kufitar, nga ku janë marrë dhe 23 mostra për analizë laboratorike. Nga kontrollet e kryera, janë bllokuar dhe asgjësuar 4.18 tonë produkte, me kërkesë të vetë subjektit, pasi kanë rezultuar jashtë standardeve për konsum. Për shkeljet e konstatuara AKU ka dhënë 14 masa administrative paralajmërim dhe ka marrë 35 mostra për analiza laboratorike. AKU i bëri apel subjekteve të respektojnë standardet dhe rregullat e sigurisë ushqimore, teksa njoftoi se kontrollet janë intensifikuar në çdo drejtim për garantimin e shëndetit të konsumatorëve.https://ata.gov.al/2022/09/22/autoriteti-kombetar-i-ushqimit-370-inspektime/
- Advertisment -