Humbje e rëndë për Interin

Udinese magjike, të besuarit e trajnerit Sottilit vazhdojnë ecurinë e tyre mbresëlënëse në kampionat dhe mundin 2-1 Interin në javën e shtatë të Serisë A. Friulianët që pësojnë gol që në minutën e 5-të, nga goditja e lirë e Barellës, arrijnë të reagojnë dhe barazojnë falë autogolit të Skriniar (22′). Rikuperim i njëanshëm, me vendasit që gjejnë golin e fitores në minutën e 84-të me Bijol dhe të tretin me Arslan në rikuperim. Udinese, e para në renditje me 16 pikë. Nokauti i katërt i sezonit (i treti në Serinë A) rëndon shumë mbi ambiciet e titullit të Inzaghit, i mposhtur nga Udinese në pjesën e dytë dhe i paaftë për të ndryshuar ekipin e tij me lëvizjet e bëra gjatë ndeshjes. I vetmi lajm pjesërisht i mirë për trajnerin zikaltër vjen nga pauza për kombëtaret dhe rikuperimi i Lukakut, i cili është sërish në dispozicion për ndeshjen vendimtare kundër Romës së Mourinhos të planifikuar pas dy javësh në San Siro. Një sfidë që Interi nuk mund të dështojë.https://sport.rtsh.al/artikull/udinese-e-cmendur-humbje-e-rende-per-interin