Vazhdon shpërndarja e naftës për fermerët e të gjithë Shqipërisë, për të rritur punën e mekanizuar në bujqësi, si dhe ndihmuar me uljen e kostove në një vit të vështirë. Me qëllim realizimin eficient të shpërndarjes, ministrja e Bujqësisë dhe Zhvillimit Rural, Frida Krifca ndaloi në zyrat e bujqësisë në Kavajë, ku asistoi gjatë lidhjes së kontratave të fermerëve të zonës dhe përfitimit të litrave të naftës pa taksa. Krifca bëri të ditur se deri tani janë shpërndarë mbi 8 milionë litra naftë. Kjo sipas saj, përbën edhe mbështetjen më të madhe për fermerët shqiptarë, për uljen e kostove të prodhimit. “27 mijë fermerët përfitues të naftës, do të pasohen dhe nga 9 mijë fermerë të tjerë, brenda shtatorit, me buxhetin e ri prej 500 milionë lekë, vënë në funksion të prodhuesve tanë”, deklaroi Krifca.http://ata.gov.al/2022/09/17/nafte-pa-taksa-krifca-brenda-shtatorit-edhe-9-mije-perfitues/
- Advertisment -