Autoriteti Kombëtar i Ushqimit (AKU) bën të ditur se ka kryer në shkallë vendi 385 inspektime në subjekte të ndryshme tregtare gjatë 24 orëve të fundit. Sipas AKU-së, 235 inspektime janë kryer në pikat e kalimit kufitar, nga ku janë marrë dhe 32 mostra për analiza laboratorike. Për mungesë të kushteve higjeno-sanitare, AKU ka marrë masën administrative për ndërprerjen e aktivitetit të një subjekti, ndërsa ka kryer 52 analiza laboratorike në shkallë vendi. Gjithashtu për shkeljet e konstatuara, AKU ka dhënë 26 masa administrative gjobë në vlerën 300 mijë lekë si dhe 24 masa administrative paralajmërim në qarqet Tiranë, Shkodër, Elbasan dhe Korçë. AKU i bën apel subjekteve të respektojnë standardet dhe rregullat e sigurisë ushqimore, teksa fton edhe konsumatorët të njoftojnë AKU-në, për çdo shkelje të sigurisë ushqimore që evidentojnë.https://ata.gov.al/2022/09/16/aku-gjobit-26-subjekte-me-vlere-300-mije-leke/
- Advertisment -