Dinamo, incidente

Incidente dhe përplasje para dhe pas ndeshjes së Champions League mes Milanit dhe Dinamo Zagrebit të luajtur të mërkurën në San Siro. Mbi 2500 tifozë kroatë dhe disa prej tyre të armatosur me shkopinj dhe thika, pushtuan Milanon dhe shkaktuan shumë probleme. Mes kroatëve edhe një tifoz i goditur me thikë, por jo në rrezik për jetën. Incidente dhe përplasje kanë ndodhur edhe në fund të ndeshjes. Dy grupet e tifozëve, të armatosur me shkopinj, kanë rënë në kontakt disa herë në zonën e Piazza Axum. Më të keqen parandaloi vetëm ndërhyrja e policisë, e cila përdori edhe gaz lotsjellës. Trembëdhjetë ultras kroatë u bllokuan dhe u shoqëruan në komisariat. Nuk kanë munguar dhe përshëndetjet fashiste nga ana e tifozërisë kroate gjatë ndeshjes, të paktën kështu është konstatuar nga mediat italiane.https://sport.rtsh.al/artikull/dinamo-pershendetje-fashiste-dhe-incidente