Muzeu Hebraik

Ministrja e Kulturës Elva Margariti, në kuadër të “Ditëve të Trashëgimisë”, ka sjellë në vëmendje Muzeun Hebraik Shqiptar që po ngrihet në Vlorë si një qendër dialogu dhe njohjeje jo vetëm e historisë, por dhe e vetvetes. “Projekti po shkon përpara me partnerin tonë AADF”, shkruan ministrja në një postim në rrjetet sociale. Muzeu Hebraik Shqiptar është një projekt i Ministrisë së Kulturës, në partneritet me Fondacionin Shqiptaro-Amerikan për Zhvillim. Kushtuar një prej faqeve më të arta të historisë shqiptare, mbrojtjes së hebrenjve, muzeu do të jetë i pari në llojin e vet, që hapet në Shqipëri. Ai do të jetë pjesë integrale e Qendrës Historike, duke dëshmuar për një histori unike bashkëjetese, e cila duhet të përcillet edhe tek të rinjtë. Më herët, ministrja e Kulturës ka njoftuar se arkitektët e studios “Kimmel – Eshkolot” po përpunojnë detajet estetike të muzeut, për t’i dhënë atij një vend, në hartën e ndërtesave bashkëkohore të shekullit të ri në Shqipëri.https://ata.gov.al/2022/09/14/muzeu-hebraik-qender-njohjeje-e-historise-dhe-vetvetes/