Shqipëria ka marrë 2 anije me qira të cilat do të vendosen në Triportin e Vlorës dhe do të prodhojnë energji elektrike. Njëra nga anijet, ka mbërritur këtë të premte në Portin e Vlorës. Qytetarët vlonjatë duket se nuk e kanë pritur mirë mbërritjen në port të anijes speciale për prodhimin e energjisë. Me baner në dorë ku shkruhet se “nuk e japim Vlorën”, ata kanë protestuar kundër kësaj nisme të qeverisë.Më herët Ministrja e Infrastrukturës dhe Energjetikës, Belinda Balluku tha se marrja me qira e anijeve do të shërbejë për të siguruar një pavarësi energjike. Dy anijet e marra me qira, pritet që të përmbushin 15% të kërkesës së vendit për energji. Kapaciteti i një prej këtyre anijeve është 114 megawat në orë dhe do të ketë çmime konkurruese sa i përket edhe tregut aktual të bursës, i cili për shkak të luftës në Ukrainë ka pësuar tronditje të mëdha.https://lajme.rtsh.al/artikull/shqiperia-merr-2-anije-me-qira-per-prodhim-te-energjise-njera-prej-tyre-mberrin-ne-portin-e-vlores
- Advertisment -