Borxhi publik pritet të ulet në 71.3% e Prodhimit të Brendshëm Bruto (PBB), nga 73.2% e PBB-së që rezultoi për vitin 2021. Ministrja e Financave dhe Ekonomisë, Delina Ibrahimaj u shpreh gjatë prezantimit të ndryshimeve në buxhetin e vitit 2022 javën e shkuar, në Komisioni Parlamentar të Ekonomisë dhe Financave se, ky tregues do të jetë i ndikuar nga variabla të tjera makroekonomikë deri në fund të vitit, si p.sh. vlera nominale e PBB, kursi i këmbimit i fundvitit, që sipas saj, ka gjasa ta reduktojë edhe më tutje borxhin publik në fund të vitit 2022. Gjatë periudhës nga viti 2017 deri në vitin 2019, borxhi i qeverisjes qendrore ka qenë në një trajektore rënëse, duke shënuar një rënie me 4.4 p.p., nga 70.1% e PBB në fund të vitit 2017, në 65.7% e PBB në fund të vitit 2019. Por gjatë vitit 2020 dhe 2021, borxhi shënoi rritje, duke kapur nivelin prej 73.1% e PBB në fund të vitit 2021. Ministria e Financave dhe Ekonomisë analizon se rritja e nivelit të borxhit gjatë dy viteve të fundit ka ardhur si rezultat i nevojave më të larta për financim në këto vite, si pasojë e situatës së krijuar pas tërmetit të vitit 2019, pandemisë COVID-19, si dhe nevojës për të stimuluar rimëkëmbjen e ekonomisë, pas rënies së madhe që pati në vitin 2020. Në strategjinë e menaxhimit të borxhit, Ministria e Financave dhe Ekonomisë planifikon që në periudhën 2022-2024, deficiti buxhetor të jetë rreth 3% në vit. Si rrjedhojë, duke filluar nga ky vit (2022) borxhi publik ndaj PBB-së pritet të kthehet në një trajektore rënëse, në përputhje me rregullin fiskal përkatës, ku pritet të bjerë në rreth 71.3 % të PBB-së nga rreth 73.2% në vitin 2021. Deri në fund të vitit 2023, borxhi publik pritet të bjerë në rreth 70.2% të PBB-së dhe rreth 68.6% në vitin 2024. Balanca primare do të kthehet në nivel pozitiv (suficit primar) nga viti 2023 e në vazhdim. Ky objektiv është tashmë ligjërisht i detyrueshëm, ku Ligji Organik i Buxhetit (LOB) parashikon që duke filluar nga viti buxhetor 2024 dhe për çdo vit pasardhës balanca primare faktike nuk mund të rezultojë negative, pra duhet të jetë së paku e balancuar ose pozitive. Sipas skenarit bazë, borxhi publik pritet të bjerë në rreth 66.7% në vitin 2025 dhe më tej në rreth 58.9% deri në vitin 2028. Nga ana tjetër edhe agjencitë ndërkombëtare të vlerësimit të kredibilitetit kanë vlerësuar se borxhi publik ndaj PBB-së do të vazhdojë trajektoren rënëse në 2022 dhe 2023. Agjencia ndërkombëtare e vlerësimit të kredibilitetit (credit rating agency) Moody’s vlerëson se borxhi i qeverisë së përgjithshme (duke përfshirë garancitë) arriti kulmin në 74.5% të PBB në 2020, dhe u ul sërish në 73.2% të PBB në 2021. Agjencia parashikon që borxhi publik ndaj PBB të vazhdojë trajektoren rënëse në 2022 dhe 2023 duke rënë respektivisht në 72.1% dhe 71.9%. Agjencia parashikon një raport të shpenzimeve mesatare për interesa ndaj të ardhurave totale të buxhetit prej rreth 8 % në 2022-2023, që është mbi nivelin para-pandemisë 2019 (7.6%), por gjithsesi nën mesataren e dekadës së kaluar (9.4%).http://ata.gov.al/2022/09/12/borxhi-publik-pritet-te-bjere-ne-71-3-te-pbb-se-ne-fund-te-2022-shit/
- Advertisment -
Recent Comments
on Zj. Xhaçka tha se Shqipëria eshtë e vendosur për pavarësinë dhe tërësinë territoriale të Ukrainës
on Qarku DIBER
on Bashkia KLOS
on Bashkia MAT
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku KUKES
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER