Të gatshëm të mbështesim Shqipërinë

Ambasadorja e Bashkimit Europian në Tiranë, Christiane Hohmann priti sot në një takim ministren e Shtetit dhe Kryenegociatoren e Shqipërisë, Majlinda Dhuka. Në takim ishin të pranishëm edhe Shefat e Misioneve të BE-së. Ambasadorja Hohmann u shpreh se “ne jemi të gatshëm të mbështesim Shqipërinë në procesin e saj të anëtarësimit dhe përparimin e reformave”. “Kënaqësi të mirëprisnim Ministren e Shtetit dhe Kryenegociatoren e Shqipërisë Majlinda Dhuka në takimin e sotëm të Shefave të Misioneve të BE-së. Vëmendja jonë është e plotë në përgatitjet për procesin screening, i cili nis javën e ardhshme në Bruksel. Ne jemi të gatshëm të mbështesim Shqipërinë në procesin e saj të anëtarësimit dhe përparimin e reformave”, tha ambasadorja Christiane Hohmann.http://ata.gov.al/2022/09/07/hohmann-te-gatshem-te-mbeshtesim-shqiperine-me-reformat/