Gripi i syrit ose “syri rozë”

Gripi i syrit apo konjuktivit viral siç quhet në gjuhën mjekësore është një nga diagnozat më të shpeshta të mjekëve okulistë. Mjekja okuliste e poliklinikës Nr.3 Zana Zhuka në një intervistë për RTSH tregon përhapjen e këtij infeksioni në sy dhe çfarë përmasash serioze merr kjo sëmundje nëse nuk trajtohet kohë. Nuk është më një sëmundje që prek aty këtu, por kur fillon të qarkullojë mund të kthehet brënda disa javëve edhe në epidemi. Kemi fjalën për gripin e syrit sic njihet në gjuhën e popullit ose konjuktivitin, që është një infeksion që prek syrin përmes adenoviruseve. Mjekja thekson se nëse konjuktiviti viral nuk trajtohet në kohën e duhur ai mund të përhapet deri në kornenë e syrit ose xhami qe njihet ndryshe e këtu më pas komplikimet janë mëdha. Duke qenë një sëmundje shumë ngjitëse ku virusi merret nga ajri, duart , prekja e sendeve të përbashkëta nga pacientë të sëmurë apo edhe këllëfi i jastekut , mjekët këshillojnë vëmendje dhe dezinfektim të shpeshtë. Sipas një studimi, fëmijët në shkollat publikë në Amerikë humbasin 3 milion ditë mësimi çdo vit nga gripi i syrit.https://lajme.rtsh.al/artikull/gripi-i-syrit-ose-syri-roze-mjeket-kujdes-mos-anashkaloni-skuqjen-dhe-lotimin