Policia bashkiake e Durrësit në bashkëpunim me ndërmarrjen “Rruga” bënë të mundur sot lirimin e hapësirave publike në lagjen nr. 1 rruga “Taulantia”. Duke iu përgjigjur në kohë ankesave të qytetarëve u liruan hapësirat e zëna në kundërshtim me ligjin me mjete rrethanore ( konikë, kupola betoni, struktura metalike, gardhe metalike etj). Policia bashkiake njoftoi se ndaj qytetarëve, të cilët rivendosin këto struktura metalike do të merren masa administrative me gjobë deri në ndjekje penale. “Falënderojmë qytetarët, të cilët denoncojnë dhe informojnë veprimet e kundërligjshme të disa qytetarëve të papërgjegjshëm të cilët abuzojnë, cënojnë sigurinë në komunitet”, shprehet Policia bashkiake. Ndërkohë, policia bashkiake fton qytetarët, të cilët ankohen në lidhje me parkimin e automjeteve pranë hyrjeve të garazheve apo banesave private, të mos vendosin pengesa me konstruksion metalik, por të njoftojnë për këto raste abuzive. Policia bashkiake siguron qytetarët se është e vendosur për luftën kundër informalitetit dhe në lirimin e të gjitha hapësirave publike të zëna në mënyrë abuzive nga qytetarë apo subjekte të ndryshme.https://ata.gov.al/2022/08/24/lirohen-hapesirat-publike-ne-durres/
- Advertisment -