Të dielën rikthehet Formula 1

Botërori i Formula 1 rikthehet me pjesën e dytë të tij, pikërisht në Belgjikë, me garën e 14-të të këtij sezoni. Makinat njëvendëshe do të garojnë në Spa, një cirkuit historik, i mbiquajtur “Universiteti i F1”, për vetë historinë gati 100 vjeçare të këtij sporti, të zhvilluar aty. Gara e parë në këtë cirkuit është zhvilluar në 1924 dhe Spa mund të presë deri në 70 mijë spektatorë. Ai është një nga cirkuitet më spektakolare të kampionatit, ku tekat e motit i përmbysin parashikimet e bëra nga skuadrat dhe pilotët. Kthesat e shpejta dhe pjesët e drejta e bëjnë atë të parapëlqyer për pilotët. Pista është e gjatë 7004 m dhe në të bëhen 44 xhiro për një Çmim të Madh. Ka 5 pjesë të drejta, tre kthesa të lehta dhe dy shikane ideale për të parakaluar. Piloti që ka fituar më shumë në Spa është Michael Schumacher, me 6 gara.https://sport.rtsh.al/artikull/te-dielen-rikthehet-formula-1