PriFest përzgjedhë 10 projekte nga vendi dhe rajoni

Përmes një njoftimi për media bëhet e ditur se edicioni i katërmbëdhjetë i PriFest-it vazhdon traditën e organizimit të një mundësie unike për projektet filmike që janë në fazën e para-produksionit. “Kjo mundësi vjen në kuadër të PriFORUM – Prishtina Film Forum, platforma rajonale e industrisë filmike e festivalit PriFest. Një numër i madh i projekteve ambicioze filmike nga regjioni (Kosovë, Shqipëri, Maqedoni e Veriut, Kroaci, Mal i Zi dhe Turqi) kanë aplikuar me projektet e tyre filmike në këtë garë, ku do të kenë mundësi të garojnë për çmime të ndryshme, përfshi ate kryesorin ‘Vanessa Redgrave Aëard for Best Pitch’”, thuhet në njoftim. Besnik Krapi, bashkëdrejtues i PriForum-it me këtë rast tha se këtë vit interesimi për pjesëmarrje në garën Best Pitch të PriForum-it ka qenë jashtëzakonisht i madh. “Janë përzgjedhur 10 projekte, që mendoj se kanë një potencial të madh që në të ardhmen të shfaqen si filma nëpër festivale të ndryshme gjithandej botës’’, tha ai. Gjithashtu, në këtë edicion do të jenë edhe tetë projekte për Best Pitch nga Odesa Film Festival – Ukrainë, në kuadër të bashkëpunimit të festivaleve Odesa dhe PriFest. Edicioni i përbashkët i dy festivalave i titulliar ‘Odesa përtej kurfijve. Odesa në PriFest ishte iniciativë e drejtoreshës së ndjerë të PriFest, Vjosa Berisha, dhe ky edicion i dedikohet kujtimit dhe nderimit për të. Best Pitch është vetëm një nga disa aktivitete që në PriFest organizohen si pjesë e PriFORUM-it, që është një platformë rajonale e zhvillimit të industrisë së filmit. PriFORUM është komponentë përbërëse e PriFest dhe këtë vit do të mbahet në datat 22-24 shtator, ndërkohë që PriFest do https://www.rtklive.com/sq/news-single.php?ID=615021të mbahet me 20-25 shtator. Të gjitha aktivitetet do të mbahen në mënyrë fizike.