“Shtëpia me Gjethe”

Muzeu Kombëtar “Shtëpia me Gjethe” informoi sot se korriku i këtij viti ka pasur 54,7% më shumë vizitorë, krahasuar me korrikun e vitit 2019. 82,5% e vizitorëve të “Shtëpisë me Gjethe” kanë qenë të huaj. Përkthyer në shifra, këtë muze e kanë vizituar 3297 shtetas të huaj dhe 698 vizitorë vendas. Shumica e vizitorëve të korrikut, ishin francezë, italianë, holandezë dhe amerikanë. Në postimin online renditen dhe disa nga personazhet e njohur që ishin vizitorë, në muajin korrik si ministrja e Kulturës së Bahreinit, Sheikha Mai Bint Mohammed Al Khalifa dhe këshilltari për Mediat i Bahreinit, Dr. Ellie Flouty të shoqëruar nga zëvendësministrja e Kulturës Meri Kumbe, apo edhe vizita të organizuara në grup, si p.sh shkolla verore “Dëshmitë gojore si burim shkencor, në historinë bashkëkohore shqiptare”.http://ata.gov.al/2022/08/17/547-me-shume-vizitore-ne-muzeun-kombetar-shtepia-me-gjethe/