Urdhri Françeskan, i themeluar nga shenjtori në fillim të shekullit XIII, njofton se më shumë se 350 000 persona janë regjistruar për të parë eshtrat në Bazilikën e Shën Françeskut, në qytetin me rreth 27 500 banorë.
Françesku (1181-1226) është një nga shenjtorët më të njohur të Kishës Katolike.
Djali i një tregtari të pasur tekstilesh, ai braktisi familjen në fillim të të 20-ave për të jetuar një jetë në varfëri.
Ai u kanonizua vetëm dy vjet pas vdekjes, në moshën rreth 44-vjeçare.
Ai u varros në një vend të fshehtë dhe qëndroi aty për afro 600 vjet, derisa papa Piu VII dha leje në vitin 1818 që varri të hapej.
Më pas u ndërtua një kriptë e re nën bazilikë për të strehuar sarkofagun.
Eshtrat janë ekzaminuar shkencërisht disa herë, më së fundmi në vitin 2015, për të verifikuar autenticitetin e tyre.
Duke shpjeguar vendimin për ekspozimin, urdhri theksoi në faqen e tij të internetit se ”kemi zgjedhur të hapim dyert e komunitetit dhe jetës sonë, për të ndarë me ju thesarin tonë më të çmuar: Shën Françesku jeton!”.
Eshtrat do të qëndrojnë të ekspozuara deri më 22 mars, ndërsa festimet do të vazhdojnë edhe më pas në Itali, ku shenjtori është mbrojtësi i vendit.
Gjithashtu, në Asizi pritet të mbërrijë edhe papa Leone XIV, ndërsa 4 tetori, data kur besohet se shenjtori ka ndërruar jetë, është shpallur festë kombëtare.
