Emri i tij është Libero dhe pas 10 vitesh pritjeje, kambanat e Montemitros, një fshat i vogël në Molise të Italisë me vetëm 200 banorë nisën të kumbojnë për këtë ngjarje të gëzueshme.
Lajmi i lindjes së një foshnje u prit me gëzim nga i gjithë komuniteti, edhe falë historisë së prindërve të vogëlushes, Emanuelës, e cila u kthye në qytetin e saj të lindjes pas shumë vitesh të kaluara në Brescia, dhe Roccos, mikut të saj të fëmijërisë, i cili më vonë u bë bashkëshorti i saj.
Të dy, pasi u martuan në një ceremoni ku mori pjesë i gjithë qyteti, vendosën të rihapin një dyqan mishi dhe të krijojnë familje.
Bebja u lind të martën e kaluar, duke përkuar me ditëlindjen e 40-të të nënës së saj.
Gratë e moshuara të fshatit janë të zëna duke përgatitur rrobat e vogla të foshnjës, të punuara vetëm me dorë, me disa copa të endura në një tezgjah që është ende në gjendje pune.
Montemitro është një qytezë me një pakicë gjuhësore kroate që, së bashku me qytete të tjera në brendësi të vendit, po përjeton një krizë serioze demografike: në 40 vitet e fundit popullsia është përgjysmuar.
Ky është trendi i trishtueshëm në Molise, i cili ka humbur rreth 32 000 banorë që nga viti 2001 për shkak të niveleve të ulëta të lindjeve, një bilanci negativ të migracionit dhe një sistemi ekonomik në vështirësi
