Cooper: Do të rimarrim në dorë kontrollin migracionit

Sekretarja e Brendshme britanike, Yvette Cooper, ka sinjalizuar se do të vazhdojë me planin e qeverisë së mëparshme për të rihapur dy qendra të imigracionit në një përpjekje për të arritur shkallën më të lartë të dëbimit që nga koha e Theresa May-it. Cooper ka njoftuar se Komanda e Sigurisë Kufitare është duke u përgatitur, pasi numri i migrantëve që kaluan La Manshin me varka të vogla ka kaluar 19 000 deri më tani këtë vit. Sekretari i Brendshëm konservator në hije, James Cleverly, akuzoi ministrat e rinj se nuk arritën të “merrnin kontrollin” e migrimit midis Francës dhe bregut jugor të Anglisë. Një burim laburist tha se komentet e Cleverly ishin “qesharake” dhe se partia e tyre “po zëvendësonte mashtrimet konservatore me nisma të vërteta”. “Komanda jonë e re e Sigurisë Kufitare tashmë është duke u përgatitur, me staf të ri të rekrutuar urgjentisht dhe staf shtesë tashmë të vendosur në të gjithë Evropën”, theksoi Cooper.